XX. mendeko Euskararen Corpus estatistikoa

Testuingurua

Era berean M-k espazioan sortzen duen grabitate-eremuak m masa M-runtz higi erazten du.

m masa txikiak ere eremu txiki bat sortzen du, baina ez dugu adierazten arbuiagarria kontsideratzen dugulako adibidea errazagoa egiteko.

Espazioaren deformazioa bere kurbaduraren, k-ren, bidez neurtzen dugu eta beraren balioa da, printzipio kosmologikoarekin, unibertsoaren geometriak zeintzu izan daitezkeen erabakitzera eramango gaituztenak.

Printzipio kosmologikoaz hitz egiterakoan aipatu ez badugu ere, honek unibertsoaren deformazio edo geometriarako aukerak hirutara murritzen ditu.

Arrazoia begi bistakoa da: masak espazioaren banaketa konkretu bat suposatzen du, uniformea hain zuzen ere; beraz, unibertsoaren deformazioa geometria mugatzen du.

Geometriarako hiru aukerak beraien kurbaduraren balioaren bidez adieraz daitezke eta hauexek ditugu aukera horiek eta beraiei dagozkien geometrien bereiztasunak: a) Kurbadura negatiboa denean () Kasu honetan unibertsoa infinitua da, hau da, bolumena eta masa infinituak ditu.

Bere propietate geometrikoak geometria hiperbolikoak deskribitzen ditu.

Unibertso hau espazioan irudikatzeko beste laugarren dimentsio bat beharko genuke, horregatik, nolakoa den ideia egiteko bi dimentsiotako kasu bera adierazi dugu 9. (a) irudian.

Ikusten denez, unibertso honen geometriaren propietateetako bat triangelu baten angeluen batura 180ampdeg; baino txikiagoa dela dugu.